 |
| المخرج حمدي ابو العلا |
كنت طالبا بالسنه النهائيه بقسم المسرح بكليه الآداب جامعه الاسكندريه وكان لابد من تقديم مشروع تخرج وكان الاستاذ المشرف على مشروعات التخرج هو المخرج الكبير (نبيل الالفي) .
ونبيل الالفي من مواليد محافظة المنيا عام ١٩٢٦م وتخرج عام ١٩٤٧ وشغل منصب مدير المسرح القومي في الفترة من عام ١٩٦١ إلى ١٩٦٦وعين عميداً للمعهد العالي للفنون المسرحية وفي عام ١٩٨٠ عين رئيسا للمركز القومي للمسرح والموسيقى.
وكان الفقيد قد سافر للعراق وقطر حيث عمل خبيرا في مجال المسرح المهم انه بداء التدريبات والتعرف على قدراتنا وبعد فتره سالني قال لي : انت يا ابو العلا حتعمل ايه؟؟
قلت له انا اعمل مشروع تخرجي في الاخراج (وكنت مغرما بنجيب سرور وعملت معه انا والمرحوم المخرج ايمان الصيرفي) وحاخرج (اه ياليل ياقمر) فامتعض وقال لي لا انت ممثل كويس انت تعمل ريتشارد الثالث لشكسبير ودي شخصيه غنيه وعنده عجز في رجله ويعرج وفي نفس الوقت يتحدث بحديث المسيح ويفعل فعل الشيطان فيستطيع في يوم دفن الرجل ان يخطب زوجته ولبسها خاتمه واخذ يعدد لي غني الشخصيه.
فقلت له بحده لا انا مش حعمل كده واختلفنا وذهبت الي حال سبيلي وانا غير راضي وغبت عنه اسبوع فارسلت لي بعض الزملاء وقالوا لي الاستاذ نبيل عاوزك المهم ذهبت اليه فقال لي انت حر اعمل اللي انته عاوزه بس متضيعش السنه عليك بس انا حبقي محايد معاك ومش حدافع عنك لكن لو عملت ريتشارد الثالث سوف أكون معك قلبا وقالبا.
فقلت له خلاص ماشي انا اعمل ريتشارد قال لي فرحا يبقي اتفقنا واخذ يترجم مقالات عن الفرنسيه عن شخصيه ريتشارد ويقول لي اقراء ثم قال لي فصل كوذلك والبسه على طول قلت له يعني ايه كوذلك قاللي جزمه بوط يعني بس تعمل كعب عالي وكعب واطي عل؛ ان تتعود على العرجه وتبقى طبيعيه.
ويمر الوقت وبسالني عملت الكوذ لك اقول له لسه يتنرفذ ويقولي ليه الوقت بيجري انت ايه مشكلتك قولت له الراجل عاوز ٣٠ جنيه وانا ممعيش قالي بس كده اتفضل ادي الثلاثين جنيهات روح فصل الكوذلك.
رحمه الله عليك يا استاذي يا من علمتني كيف اختلف وكيف اتحاور يا من تخرج من تحت يديك عمالقه الفن نور الشريف واحمد ذكي وغيرهم كنت ابا واستاذ.
تعليقات
إرسال تعليق